ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

សួនប៉ោយប៉ែតតេជោឈ្នះឈ្នះ ជាសមិទ្ធផលថ្មី ត្រូវបានសម្ពោធដាក់ឱ្យប្រើប្រាស់ជាផ្លូវការ

  • ចុះផ្សាយថ្ងៃទី១០ ខែមករា ឆ្នាំ២០២៤ ម៉ោង ១១:៤៩ នាទី ដោយ ROEURNG CHANTREA
  • 2305
  Aa |   aA

បន្ទាយមានជ័យ៖ សួនប៉ោយបែត តេជោ ឈ្នះឈ្នះ ជាសមិទ្ធផលថ្មី និងជាប្រវត្តិសាស្ត្រសម្រាប់ក្រុងប៉ោយប៉ែត ដែលប្រែក្លាយពីតំបន់សំណង់មិនរៀបរយលើចំណីផ្លូវជាតិ និងចំណីផ្លូវរថភ្លើង ប្តូរមកជាសួនដ៏ល្អប្រណិត ជាកន្លែងលម្ហែរ កន្លែងហាត់ប្រាណ ប្រកបដោយផាសុកជូនសាធារណៈជននៅក្រុងប៉ោយប៉ែត។

សួនប៉ោយបែត តេជោ ឈ្នះឈ្នះ ត្រូវបានសម្ពោធដាក់ឱ្យប្រើប្រាស់ជាផ្លូវការ ប្រព្រឹត្តទៅក្រោមអធិបតីភាពដ៏ខ្ពង់ខ្ពស់ លោកបណ្ឌិត ប៉ាន់ខែម ប៊ុនថន នាយករងខុទ្ទការល័យ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា រដ្ឋលេខាធិការ ទីស្ដីការគណៈរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋាន ក្រុងប៉ោយប៉ែត លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ព្រមទាំងមានការចូលរួមពីសំណាក់មន្ត្រីរាជការ យុវជន ប្រជាពលរដ្ឋបានចូលរួមផងដែរនៅព្រឹកថ្ងៃទី១០ ខែមករា ឆ្នាំ២០២៤។

អភិបាលក្រុងប៉ោយប៉ែត លោក គាត ហ៊ុល បានឱ្យដឹងថា ទីតាំងសួនប៉ោយប៉ែត តេជោ ឈ្នះឈ្នះ ពីមុនជាតំបន់ដែលប្រជាពលរដ្ឋប្រមាណជា ៤៧ ទៅ៤៨គ្រួសារ បានចូលមករស់នៅអាស្រ័យផល ជាលក្ខណៈសំណង់មិនមានរបៀបរៀបរយ ដោយសារតែទីតាំងនេះជាដីចំណីផ្លូវរថភ្លើង និងដីចំណីផ្លូវជាតិលេខ៥ ជាហេតុដែលធ្វើឱ្យអាជ្ញាធរមិន អាចចេញប័ណ្ណកម្មសិទ្ធជូនពួកគាត់បាន។

ក្រោយមកដោយមានការយកចិត្តទុកដាក់ពី លោក ប៉ាន់ខែម ប៊ុនថន លោក អ៊ុំ រាត្រី អភិបាលខេត្តបន្ទាយមានជ័យ និងអាជ្ញាធរក្រុងប៉ោយប៉ែត បានធ្វើការសម្រប សម្រួលជាមួយប្រជាពលរដ្ឋដោយធ្វើការដោះដូរជាមួយដីដែលស្ថិតនៅតំបន់អភិវឌ្ឍន៍បឹងជង្រុកតេជោ ឈ្នះឈ្នះ ក្នុងទំហំ ១៥ម៉ែត្រ x ៥០ម៉ែត្រ ជូនពួកគាត់ ហើយបងប្អូនប្រជាពលរដ្ឋទាំងអស់ក៏បានព្រមព្រៀងទទួលយកដោយគ្មានការបង្ខិតបង្ខំឡើយ ។

លោក គាត ហ៊ុល បន្តថា សួនប៉ោយប៉ែត តេជោ ឈ្នះឈ្នះ ត្រូវបានកសាងឡើងនៅថ្ងៃទី១៨ ខែឧសភា ឆ្នាំ២០២២ និងបញ្ចប់នៅថ្ងៃទី២១ ខែសីហា ឆ្នាំ២០២២ លើផ្ទៃដីសរុប ៣ ៥៦០ម៉ែត្រការ៉េ ក្នុងនោះផ្ទៃសួនមានទំហំ ៩៦០ម៉ែត្រការ៉េ ព្រមទាំងមានការរៀបចំហេដ្ឋារចនាសម្ព័ន្ធផ្សេងៗ ចំណាយអស់ថវិកាប្រមាណជា ៨១ ៥២៩ដុល្លារដែលជាថវិកាផ្ទាល់លោក ប៉ាន់ខែម ប៊ុនថន លោក អ៊ុំ រាត្រី អភិបាលខេត្ត សប្បុរសជនមួយចំនួនទៀត៕


ព័ត៌មានជាច្រើនទៀតសម្រាប់អ្នក